Ômvesla – en forteljarkonsert med Nina Fjeldet

Scene Nord og Folkemusikk Nord

Neste anledning
Ein forteljarkonsert frå Scene Nord si avdeling Folkemusikk Nord – om å satse, om å reise og om å bli.

Nina Fjeldet er ei kvinne i sin beste alder. Saman med fela reiser ho gjennom livet og møter menneske og historier langs vegen. I forteljarkonserten «Ômvesla» tek ho publikum med på ei reise frå Gudbrandsdalen til Indre Troms, via Palmehaven i Trondheim, konsentrasjonsleiren Auschwitz og langs landevegen med romanifolket.
Booking
  • Culture and history
Group size
  • Group Activity
Duration
  • 1-2 timmer

Beskrivelse

På vegen møtest fridom og forfølging, framskritt og fattigdom, felespel og forteljarglede. Gjennom musikk og historier løfter Nina fram menneska som står midt i verda og gjer så godt dei kan. Det personlege møter det historiske, og små og store forteljingar blir vevde saman til ei varm, sterk og tankevekkande framsyning. Nina Fjeldet har arbeidd i folkemusikken og folkedansen si teneste i to tiår, dei siste ti åra med base i Målselv. Ho formidlar gjerne til barn og unge, elskar å spele til dans og har turnert med dansekompaniet Kartellet, familieframsyninga «Danse, sa fela!», Landslaget for spelemenn og fleire andre produksjonar. «Ômvesla» er hennar første soloframsyning. Framsyninga er produsert av Riksscenen, med støtte frå Norsk kulturråd. Nina Fjeldet – fele og forteljing Tekst og musikk: Nina Fjeldet Tekstleg rettleiing: Liv Gulbrandsen Regi: Silje O. Hålien
Fra 200